Поранешниот соиграч вчера го провоцирал Роналдо

Кристиано Роналдо успешно ги реализираше двата пенали и му помогна на Јувентус да дојде до победа на гости против Џенова од 1:3.

Матија Перин на сите начини се обидуваше да го деконцентрира Роналдо, дури и го провоцираше при вториот пенал.

Откако Португалецот без проблеми го погоди првиот, во последните минути изведуваше и втор пенал.

Во тие моменти Перин му се обрати на Роналдо со зборовите: „Повторно ќе шутираш во средина?“.

Роналдо шутираше силно и без проблеми стигна до 79. гол во 100 натпревари за Јувентус. Инаку, Роналдо и Перин беа одлични пријатели додека ја делеа соблекувалната во Јувентус.