Петр Чех има револуционерна идеја која би ги решила голманските проблеми при изведување на пенал

Легендарниот голман Петр Чех не е задоволен од новите ВАР правила.

Голманите често ја напуштаат гол-линијата и потоа пеналот се повторува. Фабиански одбрани пенал на натпреварот Лидс – Вест Хем, но ја напушти гол-линијата, па Клих мораше повторно да шутира од белата точка.

Чех сега предлага голема промена.

„Како еден голман може да покрие простор со ширина од седум метри и 32 сантиметри и височина од два метра и 44 сантиметри, а да не се помести од линијата кога некој му шутира од 11 метри со просечна брзина од 70 километри на час, што значи дека на топката и се потребни 0.35 секунди да стигне до мрежата.“ – напиша Чех и додаде:

„Едноставно не го разбирам форсирањето на тоа правило. Лесно е да критикуваш без понудени решенија, па еве јас нудам едно. Може ли судијата пред да биде изведен пеналот со спреј да повлече уште една линија на одредена оддалеченост од основната гол-линија па голманот да мора да брани во тој простор? Тоа ми се чини како добра идеја.“