Роналдо го помина Ференц Пушкаш, пред него се уште тројца

Кристијано Роналдо синоќа постигна два гола во победата на Јувентус над Каљари.

Со овие два гола португалскиот фудбалер дојде до цифрата од 748 погодоци во 1026 одиграни натпревари и на тој начин по број на голови го помина Ференц Пушкаш (746).

Пред Кристијано останаа уште тројца кои сигурно до крајот на кариерата е успее да ги надмине, што секако му е една од главните цели.

Ромарио е на третото место со 750 погодоци, Пеле е втор со 767 погодоци, додека најдобриот стрелец во историјата Бикан е на врвот со 805 постигнати погодоци.

Кристијано е многу блиску до самиот врв и многу веројатно е дека наскоро ќе биде најдобриот стрелец на сите времиња.