Историја: Гибралтар победи на три натпревари во низа

Фудбалската репрезентација на Гибралтар продолжи да покажува дека знае фудбал и да пишува историја.

Денес оваа репрезентација го победи Лихтенштајн со 0:1 и тоа за оваа селекција беше трета победа во низа. Во еден натпревар во кој немаше многу шанси Гибралтар до победата дојде со голот на Ти-Џеј Де Бар кој постигна гол во 10. минута од натпреварот. Треба да се спомене и дека голманот на Гибралтар, Голдвин беше одличен и на неколку пати го спаси својот гол со одлични интервенции.

Како што споменавме за Гибралтарците ова беше трета победа во низа, претходно ги победија Луксембург во пријателски меч со 2:1 и Сан Марино (2:0). Гибралтар во својата група е лидер со две победи и најавува промоција воЛига Ц.

Во вториот меч од Лигата Д, Фарски Острови и Летонија одиграа 1:1.