Официјално: Јувентус ја испрати младата надеж на нова позајмица

Лука Пелегрини ни оваа сезона нема да добие шанса во Јувентус затоа што клубот одлучи да го испрати на нова позајмица.

Пелегрини минатата сезона играше за Каљари, но минатото лето се врати во Јувентус. Со „старата дама“ ги помина припремите и изгледаше дека конечно може да добие шанса, но тоа нема да се случи.

Имено, Јувентус се реши повторно да го испрати 21 годишниот фудбалер на позајмица. Новата сезона Пелегрини ќе ја помине кај Пандев во Џенова.

Позајмицата на Пелегрини Јувентус утрово ја потврди на својата официјална страна. Во договорот помеѓу двата клуба стои дека Џенова нема да има право да го откупи Пелегрини идното лето.

Пелегрини кариерата ја започна во Рома, а минатото лето потпиша за Јувентус за сума од 22 милиони евра.

Ufficiale | Luca Pellegrini in prestito al @GenoaCFC https://t.co/SKuzF7pBiP pic.twitter.com/NDaswf1AIa

— JuventusFC (@juventusfc) September 26, 2020