Барса кажа ДА: Семедо се сели во Премиер лигата

Премиерлигашот Вулверхемптон е многу близу до привлекување на десниот бек на Барселона, Нелсон Семедо, пренесуваат европските медиуми.

Во саботата „волците“ испратија понуда што Каталонците се подготвени да ја прифатат. Според неофицијални информации, таа е во рамките на околу 30 милиони фунти.

Сега останува уште Семедо да ги договори личните услови со англискиот клуб за да се финализира трансферот.

Според медиумите, трансферот ќе биде затворен во следниве часови, а во меѓувреме Барселона ќе се раздели и со играчот за врска Артуро Видал, кој оди во италијански Интер.

Со продажбата на овие фудбалери Каталонците ќе имаат буџет за да го комплетираат трансферот на Мемфис Депај од Лион.

Wolves are ‘one step away’ from signing Nelson Semedo. New bid submitted yesterday and Barcelona are now ready to accept. Work in progress also on personal terms to be agreed.
On next hours Barça are gonna sell Semedo to #Wolves and Vidal to #Inter. Here we go soon! ? #FCB

— Fabrizio Romano (@FabrizioRomano) September 20, 2020