„Бомба“ од Островот: Ливерпул тргнува по Дембеле

Ливерпул беше силно заинтересиран за напаѓачот на Лајпциг, Тимо Вернер, но „црвените“ ја загубија битката па Германецот ќе заврши во Челзи.

Јирген Клоп не се откажува од намерата да го засили нападот и се насочил кон други мети, а англиските медиуми пренесуваат дека сега примарна цел е ѕвездата на Барселона, Осман Дембеле.

Имено, Ливерпул започнал официјални преговори со Барселона и сакаат што поскоро да го договорат трансферот.

Проблемот е во тоа што Ливерпул нема финансиски средства на располагање во моментов, па сака да го донесе Дембеле на позајмица со можност за откуп следното лето.

Сега се очекува одговор од Барселона, која доколку успее да го донесе Депај на таа позиција, може да ја прифати понудата од „црвените“.