Манчестер Јунајтед се огласи по апсењето на Мегваер

Дефанзивецот на Манчестер Јунајтед Хари Мегваер вчера вечер учествувал во инцидент на грчкиот остров Миконос.

Мегваер според тврдењата на грчките медиуми е приведен заедно со уште две лица после конфликт со други Британци во еден ноќен клуб.

Но, тоа веројатно не би бил толкав проблем ако потоа Мегваер не почнел да им се заканува и да ги нападне полицајците поради што бил однесен во полициска станица во Миконос каде што ја поминал ноќта.

Во овој момент нема подетални информации, а од Манчестер ЈУнајтед порачаа дека се свесни за инцидентот во кој учествувал нивниот играч и дека е воспоставен контакт со Мегваер кој според нив соработувал со грчките власти.

Од Јунајтед не сакаа да даваат повеќе коментари, меѓутоа се убедени дека Мегваер многу брзо ќе биде на слобода и дека се ќе биде заборавено.

From @ManUtd: “The club is aware of an alleged incident involving Harry Maguire in Mykonos last night.

Contact has been made with Harry, and he is fully co-operating with the Greek authorities.

At this time we will be making no further comment.”

— Simon Stone (@sistoney67) August 21, 2020