Ним го испрати Влатко Стојановски на позајмица

Македонскиот фудбалер Влатко Стојановски не се снајде најдобро во редовите на Ним и во потрага по поголема минутажа и собирање искуство во Франција ја промени средината.

Во наредната сезона Стојановски ќе игра во тимот на Шамбле кој се натпреварува во втората француска лига. Ним и Шамбле се договорија за едногодишна позајмица на Стојановски.

Ќе потсетиме Стојановски трансферот во Ним го обезбеди после одличната сезона во Ренова која од Ним за него доби 1.5 милион евра. За тимот на Ним Стојановски одигра само шест натпревари и постигна два гола во лига-купот на Франција.

Тимот на Шамбле минатата сезона заврши на десеттата позиција во втората лига во Франција.