Солскјер на шопинг на „Камп Ноу“

Барселона во наредните денови ќе добие нов тренер и ова лето ќе прави голема реконструкција на тимот.

Шпанските медиуми пренесуваат дека ќе има „чистка“ на Камп Ноу и неколку големи имиња ќе бидат продадени.

Манчестер Јунајтед будно ја следи ситуацијата со дури четири играчи од редовите на каталонскиот клуб.

Имено, Солскјер покажува интерес за Иван Ракитиќ, Осман Дембеле, Артуро Видал и Самуел Умтити.

Сите четворица се на излезна врата од „Камп Ноу“, а Манчестер Јунајтед најсилен интерес покажува за Дембеле и Умтити.

„Црвените ѓаволи“ наводно веќе оствариле контакт со Барселона и се очекува во наредните денови да стартуваат преговорите.