Милан и Интер ја сакаат ѕвездата на ПСЖ!

Еминентниот француски весник „Екип“ пренесува дека миланските гигати, Милан и Интер се заинтересирани за играчот на Пари Сент Жермен, Хавиер Пасторе.

Миланските гиганти добија кинески сопственици и ова лето се спремни да потрошат значителна сума за засилување на тимовите, па со голем интерес гледаат кон ѕвездите на ПСЖ.

Имено, спортскиот директор на „светците“ вчера беше во Милано и одржа состанок со раководставата на Милан и Интер.

Двата клуба покажуваат интерес пон 27-годишниот Аргентинец кој е спремен да ја промени средината и да се врати во Италија каде ја доживеа својата фудбалска афирмација.

Покрај Пасторе, Милан е заинтересиран уште и за играчот за врска Криховјак, додека Интер покажува интерес за Лукас Моура.

Паторе минатата сезона забележа само 15 настапи кај Унаи Емери и сака да го напушти Париз ова лето, па миланските клубови се спремни да ја искористат таквата ситуација.