Барса – Наполи може да НЕ се игра на „Камп Ноу“

Реванш осминафиналниот дуел од Лигата на шампиони помеѓу Барселона и Наполи може да не се игра во Шпанија, пренесуваат тамошните медиуми.

УЕФА ја следи ситуацијата со коронавирусот во Каталонија и постојано е во контакт со тамошните здравствени власти. Во последните недели бројот на заразени рапидно порасна во Барселона и тоа ја усложнува ситуацијата.

Од „Камп Ноу“ не добиле никакви индикации од УЕФА дека мечот може да се игра на друго место.

Од УЕФА пак на прво место сакаат да го гарантираат здравјето на луѓето кои ќе земат учество во овој натпревар. Мечот е на програмата на 8 август во 21 часот.

Од Наполи исто така потврдија дека чекаат официјално потврда и секако настојуваат мечот да се игра на неутрален терен.

#Napoli, De Laurentiis: 'A #Barcellona non si può giocare, ma alla #Uefa fanno gli gnorri. Ufficialità #Osimhen? Ancora qualche giorno' https://t.co/g4rjOyu6UU pic.twitter.com/4UrmwyYg6b

— calciomercato.com (@cmdotcom) July 30, 2020