Минхенски Баерн во наредната сезона би можел да има спектакуларен напад.
Откако ова лето го донесоа Сане од Манчестер Сити, нов член на баварскиот великан може да биде и уругвајскиот напаѓач Едисон Кавани.
Француските медиуми тврдат дека Хасан Салихамиџиќ е во потрага по уште еден напаѓач, кој дополнително ќе ја подобри конкуренцијата во нападот, каде го има Роберт Левандовски и одлучил да се обиде да го ангажира Едисон Кавани.
Салихамиџиќ го контактирал агентот на Кавани со кој поразговарале за можниот трансфер на уругвајската ѕвезда во Минхен и нема да биде никакво чудо тоа на крајот да се случи.
Кавани претходните денови се поврзуваше и со Бенфика. Сепак, португалскиот великан најверојатно нема да може да ја плати неговата годишна плата од минимално 10 милиони евра, па Баерн е посериозна опција.
Учество во игри на среќа е дозволено за лица со 18+ години. Играј одговорно!