Миланско дерби за Хамес Родригез

Хамес Родригез минатото лето се врати во Реал Мадрид, но не е во плановите на Зинедин Зидан, па „кралевите“ го ставија на трансфер листа.

Колумбиецот ова лето сигурно ќе ја промени средината, а интерес за него покажуваат неколку клубови ширум Европа. Сега во траката за неговиот потпис се приклучија и миланските гиганти Интер и Милан.

Милан ги промени плановите за изградба на млад тим и сака да донесе една голема ѕвезда, па во Колумбиецот гледа идеално засилување.

Сепак, миланските клубови имаат голема конкуренција бидејќи за потписот на Хамес се борат уште Атлетико Мадрид и Арсенал.

Реал е спремен да прифати понуда од 30 милиони евра бидејќи не смета на него и сака да се ослободи од неговата плата.

? Derby per #JamesRodriguez: nel mirino di #Inter e #Milan
? #CMITmercato https://t.co/CweqDTdWhx

— calciomercato.it (@calciomercatoit) July 22, 2020