Од Аталанта со прв коментар откако ждребот ги спои со ПСЖ

Денес во Нион беше одржан ждребот за завршницата од Лигата на шампионите, а топчињата одлучија во четвртфиналето да ги спојат Аталанта и ПСЖ.

Победникот од овој натпревар во полуфиналето ќе оди на подобриот од натпреварот Лајпциг – Атлетико Мадрид.

Аталанта која е вистински хит во Европа сезонава со полн оптимизам ќе го дочека натпреварот против ПСЖ.

„Ова е сон за Аталанта, самиот факт дека сме во топ 8 екипи во Европа. Исто така, ова е нешто историско за градот Бергамо…ПСЖ е исклучително силен тим. Ќе играме со голема одлучност и ќе се обидеме да ги искористиме нашите шанси. Ќе биде ова за наш како одење на училиште и ноќ која ќе се памети во нашата историја“, изјави претседателот Антонио Перкаси.