Мурињо до Лампард: За некое време ќе сфати дека играме како што ни свират

Жозе Мурињо како поискусен во тренерската работа испрати порака до Френк Лампард.

ВАР многу често се наоѓа во центарот на вниманието поради грешките, а Лампард имаше предлог луѓето кои се во фудбалот да седнат и да разговараат, сепак Мурињо смета дека од тоа нема да има никаква корист.

„Френк е млад, за неколку години ќе разбере дека ваквите состаноци во текот на сезоната не значат многу. Тој сега мисли дека неговиот глас е важен, дека фудбалот го водат луѓе од фудбалот. Сепак, по некое време ќе сфати дека играме како што ни свират и мораме да ги прифатиме работите како што се“, изјави Мурињо.