Адеми испишува историја: Тој е најтрофејниот играч во историјата на Динамо Загреб!

Aрјан Адеми низ годините прерасна во вистински предводник на Динамо Загреб со кој освои бројни трофеи.

Адеми испишува историја во Динамо, а со последната титула во првенството стана играчот со најмногу трофеи. Трофејот во првенството за Адеми беше 17-ти во дресот на „модрите“ и со тоа тој ги остави зад себе Михаел Микиќ и Томо Бутина кои имаат по 16.

Во изјава за хрватскиот „24сата“ Адеми призна дека е почестен што е капитен на Динамо.

„Кога ќе погледнам наназад и ќе видам кој се играл за овој клуб тоа е неверојатно. Имам привилегија да бидам капитен на еден ваков колектив, тука на „Максимир“ ми се исполни детскиот сон. Многу работи се променија освен една, Динамо е шампионски клуб и пример за сите на овие простори“, изјави Адеми.