Дино Раѓа го брани Ѓоковиќ: Фрлате сра*е кон него, а тој направи се да и помогне на Хрватска

Деновиве главна тема во медиумите е „Адрија Тур“ турнирот кој го органзиираше Новак Ѓоковиќ.

Ѓоковиќ добива огромен број критики за одлуката во овој период да организира таков собир на луѓе. Турнирот беше прекинат кога Бугаринот Димитров потврди дека е заразен со Ковид-19, по него позитивни беа уште неколку тенисери меѓу кои и самиот Ѓоковиќ.

Еден од оние кои се во помал број и кои го баранат Ѓоковиќ е легендарниот кошаркар Дино Раѓа.

Неверојатна количина на с*ање беше фрлено врз Ѓоковиќ овие денови, вистински натпревар кој повеќе ќе се по*ере. Човекот направи сѐ за да ѝ помогне на Хрватска да се промовира во светот и да спаси барем дел од летната сезона. Сигурно е дека имаше грешки, но во прв ред од Димитров и од организаторот, а потоа од учесниците. Ништо подобри не сме ние Хрватите, кои не носиме маски ниту држиме дистанца, но најлесно е за сопствените проблеми да удриме по Новак. Тоа што се случи треба да ни биде за памет и предупредување дека вирусот е меѓу нас и дека треба сериозно да се сфати. И дека без разлика на статусот и на богатството, сите еднакво сме подложни на зараза со Ковид-19“, напиша меѓу другото Раѓа.