Ако некој се прашува зошто Јунајтед за него сака да плати 80 милиони евра: Магија на капитенот на Вила против ВБА (ВИДЕО)

Aнглиските тимови од Премиер лигата и Чемпионшип се спремаат за продолжување на сезоната, а добија дозвола и да играат пријателски натпревари без публика.

Зад затворени врати на „Вила Парк“ беше одигран пријателски натпревар помеѓу Астон Вила и ВБА.

Натпреварот заврши со резултат 2:2, а натпреварот го обележи одличниот гол на капитенот на Астон Вила, Џек Грилиш.

Грилиш ги постави конечните 2:2 откако претходно си поигра со одбраната на ВБА и елегантно го префрли голманот на противничкиот тим.

Инаку, Грилиш овие денови се поврзува со Манчестер Јунајтед и се шпекулира дека „црвените ѓаволи“ за него се спремни да платат 80 милиони евра.