Њукасл започна преговори со Кутињо

Раководството на Њукасл започнало преговори со Барселона за Филипе Кутињо, пренесуваат шпанските медиуми.

Њукасл во наредните недели и официјално ќе премине во рацете на нови соптвеници од Саудиска Арабија, кои најавуваат големи инвестиции и изградба на силен тим.

Поради тоа сакаат да ја искористат ситуацијата со Филипе Кутињо и нема да жалаат пари за да го донесат на „Сент Џејмс Парк“.

Баерн Минхен и официјално потврди дека нема да го откупи Бразилецот, а Њукасл е единствен клуб кој е спремен да плати 100 милиони евра за неговиот потпис.

Претставници на Њукасл веќе стапиле во контакт и со неговиот агент, Киа Јорабчијан, кој не крие дека Бразилецот сака да се врати во Премиер лигата.