Галијани: Не го предадов Милан кога дојдов во Монца

Поранешниот директор на Милан Адријано Галијани смета дека не го предал Милан кога се придружил на Монца, екипа која е во сопственост на Силвио Берлускони и која избори промоција во Серија Б.

Монца има големи планови и сака во Серија А, а познавајќи го тандемот Берлускони – Галијани можеме да очекуваме големи работи. Своевремено овој тандем го предводеше Милан во најславните денови.

„Со тоа што дојдов во Монца не го предадов Милан. Пред да одам во Милано бев во Монца и сега само се вратив на екипата од својот град. Никогаш не сум размислувал за друга екипа освен Милан, но со Монца е поинаку, тоа е тим од мојот град“, изјави Галијани.

Галијани беше запрашан како ќе му биде ако Монца еден ден заигра во Серија А против Милан.

„Наша цел е прво да се пласираме, ако се пласираме тогаш можеме да зборуваме за ова“.

Поврзувањата на Ибрахимовиќ со Монца?

„Ја одржувам врската со Ибрахимовиќ, тој е мој стар пријател. Но тоа е невозможно. Проблем се и правилата. Во Серија Б постои ограничен број играчи кои може да ги има еден тим родени после 1997 година“, додаде Галијани.