Селекторот на фудбалската репрезентацијата на Македонија, Игор Ангеловски и напаѓачот Илија Несторовски на вчерашната прес-конференција ги кажаа своите очекувања за пријателскиот натпреварот со Турција закажан за денес во 19:45 часот на Националната арена „Филип Втори“ во Скопје.
„Репрезентацијата на Турција располага со квалитет и мислам дека ќе имаме можност на вистински начин да направиме една контрола. Очекувам од моите фудбалери да бидат на нивото, исто како и на претходните натпревари. Сакаме да ја задржиме истата игра и да продолжиме со позитивните резултати. Фудбалот се игра за победи, сеедно дали е пријателски натпревар. Ни треба и поддршка, се надевам дека на трибините ќе има навивачи бидејќи ни се потребни“, изјави Ангеловски.
Викенд за уживање: Дерби до дерби секаде! ↓↓↓
Здравствениот билтен на Македонија е добар, сите фудбалери се на располагање и подготвени да го дадат максимумот на утрешната пресметка.
Илија Несторовски посакува победничката серија на македонската репрезентација да продолжи и против 25. светска селекција на ФИФА листата.
„Секој натпревар ни е важен, навистина добро се подготвуваме. Сакаме да ја продолжиме победничката низа. Се надевам дека со триумф против Турција на вистински начин ќе го најавиме мечот со Шпанија“, рече Нестороски.
Учество во игри на среќа е дозволено за лица со 18+ години. Играј одговорно!