Барселона го „украде“ сигурното засилување на Баерн Минхен

Медиумите во Холандија пренесуваат дека Сержињо Дест ова лето со сигурност ќе го напушти Ајакс, но нема да се пресели во Баерн како што се шпекулираше, туку во Барселона.

Дест би требало да пристигне на „Камп Ноу“ како замена за Нелсон Семедо, кој најверојатно ќе биде дел од трансферот на Лаутаро Мартинез.

Германските медиуми подолго време пренесуваа дека Дест речиси сигурно ќе се пресели на „Алијанц Арена“, но Барселона успеа да го „украде“ десниот бек пред носот на Баерн.

Дест е стандарден во првиот тим на Ајакс и го привлече вниманието на многу европски гиганти, а се очекува Барселона да плати 25 милиони евра за неговиот потпис.