Јовиќ го налути Реал па ќе биде жестоко казнет

Шпанскиот фудбалски гигант Реал Мадрид најави жестока парична казна за српскиот репрезентативец Лука Јовиќ.

Јовиќ се здобил со фрактура на коската во стапалото поради која ќе отсуствува цели три месеци од терените.

Вчера излезе на виделина вистината за неговата повреда. Имено, Јовиќ не се повредил за време на тренинг, туку паднал од ѕид, а тоа многу ги налути луѓето во „кралскиот“ клуб.

Јовиќ има годишна бруто плата од 10 милиони евра, а наводно Реал ќе го казни со 1,5 милиони, односно ќе му одземе две месечни плати.

Ова додатно ги засили шпекулациите за негово заминување од „Сантиаго Бернабеу“ ова лето.