Рамос: На Шпанија и е потребен фудбал!

Капитенот на Реал Мадрид, Серхио Рамос ја поддржа одлуката на челните луѓе на Ла Лига за враќање на фудбалот и продолжување на сезоната.

„Потребно е време да се започне со движењето, на земјата и треба фудбалот како економска поддршка, а на луѓето за одвраќање од секојдневието. Ние мора да бидеме дисциплинирани за да можеме да го уништиме овој вирус. Сакам да им дадам подршка на сите што изгубиле некој близок, ќе се справиме со ова и мора да се обединиме“, изјави Рамос, кој како пример ја посочи Германија.

„Ние сакаме да бидеме со семејствата, но мора да бидеме флексибилни. Јас би сакал да играм на „Бернабеу“. Што се однесува до борбата за титулата, распоредот на двата тима го познавам многу добро. Малку е нереално да се прават предвидувања кога навивачите нема да бидат на стадионите. Нашата цел е да бидеме шампиони“, заклучи Рамос.