Милан преговара за две холандски ѕвезди (видео)

Италијанскиот гигант Милан е сериозно заинтересиран за двајца млади холандски таленти, пренесуваат медиумите на Апенините.

Станува збор за 18-годишниот напаѓач на АЗ Алкмаар, Мајрон Боаду, кој ги импресионираше сите оваа сезона со своите настапи. Боаду има договор со АЗ Алкмаар до 2023 година, но за неговиот потпис интерес покажуваат многу европски гиганти.

Вториот играч е Дензел Думфрис од ПСВ. Станува збор за десен бек кој е одличен како во дефанзива, така и во офанзива. Оваа сезона одигра 22 меча во сите натпреварувања на кои постигна 4 гола и запиша 4 асистенции.

„Знам дека моите агенти водат преговори со Милан. Треба само да почекате и да видите, не можам друго да кажам“, изјави Думфрис.

23-годишниот Холанѓанец има договор со ПСВ до 2023 година и неговата цена во моментов изнесува 15 милиони евра.