Савиола го предупредува Лаутаро: Не е лесно да се игра покрај Меси, Суарез и останатите

Повеќе од јасно е дека Лаутаро Мартинез ќе биде прва мета на Барселона во следниот преоден рок.

Челниците на Барселона во Мартинез гледаат како замена за Луис Суарез. Сепак, неговиот сонародник Хавиер Савиола го предупредува дека играњето со Меси и останатите ѕвезди во Барселона не е лесна задача.

„Искрено, Лаутаро е играч кој може да биде корисен за Барселона, но сите знаеме што значи да играш покрај Меси и големите ѕвезди. Ви кажувам дека не е лесно да се игра со нив.“ – изјави Савиола, кој своевремено како голем талент пристигна во Барселона од Ривера.

Во текот на неговата кариера на Камп Ноу, Савиола имаше прилика да ја дели соблекувалната со Меси, кој тогаш ја започнуваше својата сениорска кариера.