Како Елмас му кажал на Нестор дека ќе ја освои „Златната топка“

Eлиф Елмас е еден од најдобрите македонски фудбалери и играч со голема преспектива, тоа е разбирливо кога игра во Италија, во тим каков што е Наполи.

Несторовски и Барди вчера имаа разговор во живо на Инстаграм во серијалот кој го започна Нестор и го нарече „Нестор ТВ“. Една од темите беше Елмас и тука Несторовски раскажа една анегдота која ја покажува каква самодоверба има македонскиот „дијамант“.

БАРДИ: Елиф е млад топ играч и треба да се сконцентрира. Треба да знае дека вреди многу и да оди чекор по чекор.

НЕСТОР: Седиме со Елмас и знае што ми вика: Бато знаеш дека јас за 3-4 години ќе ја освојам Златната топка. Значи замисли колкава самодоверба има тој. Навистина е добро тоа што си поставува високи цели, во фудбалот никогаш не се знае што може да се случи.