Играше за резервите на Динамо Загреб, сега потпишува за Челзи

Португалскиот дефанзивец Габриел после одличната сезона во Лил, го привлече вниманието на клубовите во Премиер лигата, а Челзи наводно ја добил битката за неговиот потпис.

Според „Еуроспорт“, „сините“ ќе платат 35 милиони евра за играч кој претходно играше за вториот тим на Динамо Загреб.

Интересно е тоа што пред само две години, Габриел пристигна на „Максимир“, но одигра само еден натпревар за Динамо и потоа беше преместен во вториот тим.

Оваа сезона блесна во дресот на Лил, играше во Лигата на шампиони и привлече големо внимание, па Челзи побрза да го договори трансферот на 22-годишниот дефанзивец.