До кога ќе трае летниот преоден рок?

Пандемијата со коронавирусот ја уништи сезоната во светот на фудбалот.

Скоро сите лиги се прекинати, а се претпоставува дека можеби ќе се продолжи во април или мај и да трае до крајот на јуни и почетокот на јули.

Поради тоа, веројатно ќе биде одложено и Европското првенство, а без дилеми ќе мора да се помести и летниот преоден рок.

Така, според некои информации, летниот преоден рок ќе почне на првиот ден од август и ќе трае до средината на септември. Така екипите ќе можат да ги обноват своите тимови и на вистински начин да се спремаат за новата сезона.

Ова со сигурност е добра одлука, само уште да ја одобри УЕФА, што веројатно нема да биде никаков проблем.

Во вторникот е закажана седница на УЕФА и после неа ќе знаеме многу повеќе работи.