Португалскиот фудбалер Даниел Карико неодамна потпиша за Вухан, но поради ситуацијата со коронавирусот сите спортски настани во Кина се одложени, па неговиот трансфер е времено одложен.
Ситуацијата во Кина полека се смирува, па првенството би можело да продолжи во средината на април.
До кога ќе дишеме отровен воздух!? | Уште еден поткаст
Карико и Вухан изминатиот месец тренираа во Марбеља, а следниот викенд се враќаат во Кина.
„Проблемот сега е во Европа, а не во Кина. Таму е практично вирусот исчезнат. Од што да се плашам? Трениравме во Марбеља и чекавме да не известат кога можеме да се вратиме во Вухан. Таму ситуацијата моментално е посигурна отколку во Европа“, истакна Карико.
Неговиот трансфер ги шокираше многумина бидејќи потпиша за Вухан кога епидемијата беше во ек.
„Нема да порекнувам, на почетокот размислував дали да ја прифатам понудата на Вухан. Потоа челниците на клубот ме уверија дека се грижат за здравјето на играчите и дека ќе тренираме во Шпанија“, додаде Португалецот.
Учество во игри на среќа е дозволено за лица со 18+ години. Играј одговорно!