Јувентус тргнува по бразилски дефанзивец

Дефанзивецот на Лил, Габриел игра одлична сезона и го привлече вниманието на многу европски гиганти.

Италијанските медиуми тврдат дека во трката за неговиот потпис се вклучил и Јувентус кој во 22-годишниот Габриел гледа идеален наследник на Киелини.

„Бјанконерите“ веќе подолго време го следат Габриел и уште во летниот преоден рок имале обид да го донесат во Торино.

Интерес за Бразилецот покажуваат уште Арсенал, Евертон и Милан, па се очекува на лето вистинска битка за неговиот потпис.

Габриел е незаменлив во тимот на Лил оваа сезона и францускиот клуб сигурно нема лесно да го пушти, па за неговиот потпис бара најмалку 30 милиони евра.