Eвропа ќе добие нов шампион: Ливерпул на колена пред Атлетико! (ВИДЕО)

Атлетико и Симеоне вечерва го елиминираа европскиот шампион Ливерпул.

Атлетико добро започна, меѓутоа како што времето одминуваше Ливерпул се повеќе доминираше. Доминацијата им се исплатеше во 43. минута кога Ванијалдум погоди по нафрлувањето на Чембрлејн.

Се редеа шанси пред голот на Облак, но мрежата не се тресеше. Атлетико можеше да го шокира Ливерпул и во 92. минуга кога Саул погоди со глава, сепак неговиот гол беше поништен поради офсајд.

Во продолженијата Ливерпул стигна до 2:0 преку Фирмино, но само три минути подоцна Маркус Љоренте намали на 2:1 и обезбеди резултат кој Атлетико го води во четвртфиналето. Истиот играч во 106. минута погоди и за 2:2.

Точка на натпреварот стави Мората со гол во 120. минута. При овој гол асистент беше двојниот стрелец Љоренте кој е вечерашниот херој на избраниците на Симеоне.