Селекторот на Франција: Ја познаваме Македонија, а посебно легендата Кирил Лазаров

Французите се скромни, меѓутоа јасно е дека тие против нас се големи фаворити и ако ги елиминираме во баражот тоа би било огромно изненадување.

Франција имаше лошо Европското првенство и тешко дека ќе си дозволат уште едно фијаско во баражот против нас за пласман на СП 2021 кое се игра во Египет.

Селекторот на Франција, Гијом Жил изјави дека ја познава Македонија, а посебно нашиот капитен Кирил Лазаров.

„Македонија е нација која навикна да игра големи натпреварувања. Ги познаваме нивните крактеристки, играат „7 на 6“. Посебно ја знаеме нивната легенда Кирил Лазаров“, изјави Жил за нашата репрезентација по ждребот.

Првиот натпревар Македонија со Франција ќе го игра дома и тој би требало да се одигра помеѓу 5. и 7. јуни, додека реваншот е на 12-13 јуни во Франција.