Изненадување од Островот: Мејведер станува газда на клуб од Премиер лигата?

Интересна вест се појави во медиумите на Островот, Флојд Мејведер би можел да стане газда на клуб од Премиер лигата.

Според информациите славниот боксер би можел да влезе во светот на фудбалот, а клубот кој се поврзува со него е Њукасл.

Да се слушне дека Њукасл може да биде продаден не е ништо ново. Со оглед на тоа дека актуелниот сопственик Мајк Ешли од поодамна има идеја да го продаде клубот од „Сент Џејмс Парк“.

Прашањето за купување на Њукасл дојде и до Мејведер

„Заинтересирани сте за купување на Њукасл, зарем не?”, гласеше прашањето од новинарот, на што Мејведер одговори:

„Во САД тоа го нарекуваме сокер, но Њукасл е неверојатен клуб….Ако луѓето сакаат да го купам Њукасл нека ми го покажат тоа”.

Според тврдањето на американскиот „ТМЗ“ претставници на Мејведер потврдиле дека боксерот е сериозно заинтересиран да го купи Њукасл.