Ѕвездата на Евертон: Фудбалот ме спаси од криминалот

Фудбалерот на Евертон Ричарлисон се потсети на тешкото детство кое го имаше и како што кажа самиот успехот кој го направи во кариерата не го променил.

Младиот 22 годишен играч минатото лето премина од Вотфорд во Евертон за 35 милиони фунти и со „Карамелите“ потпиша богат договор. Сепак и покрај парите останал цврсто на земја.

„Не сакам да трошам пари на прескапи автомобили, инвестирам во недвижнини и слични работи за во иднина. На моите родители им купив стан, на баба ми и подарив куќа. Мојата сестра има три деца и нив им помагам околу образованието и здравствените услуги“.

„Другарите со кои некогаш играв фудбал на улица денес работат во супермаркет. Некои се и во затвор. Местото од кое доаѓам ги има сите предуслови да станете криминалец, но тука беше мојот вујко кој секогаш ме советуваше да продолжам со фудбалот и да се држам подалеку од нечисти работи, воедно тој е и полицаец. Фудбалот ме изнесе на вистински пат“, порача Бразилецот.