Рамос пред Сити: Кога е тешко децата треба да се тргнат од патот

Капитенот на Реал Мадрид, Серхио Рамос полн со мотив пред најважниот натпревар оваа сезона.

„Кралевите“ ќе играат двомеч во осминафиналето од Лигата на шампионите против Манчестер Сити, а првиот од двата натпревари ќе биде утре.

По тој повод на прес-конференцијата на Реал Мадрид освен тренерот Зинедин Зидан се појави и стоперот Серхио Рамос. Тој порача дека сега е време децата да се тргнат од патот.

„Кога ситуацијата е тешка, една грешка може скапо да ве чини, тогаш на терен излегуваат возрасните, додека децата остануваат на страна. Време е да престанеме да зборуваме и да покажеме на теренот што знаеме“, изјави капитенот на Реал.

Зборуваше и за повредата на Еден Азар и можноста да заигра Бејл кој навивачите не го обожаваат многу во последно време.

„Не е моја работа да го коментирам приватниот живот на играчите. Сите знаеме кој тим го претставуваме. Повредата на Азар е лоша вест, но тренерот знае што треба да прави“, додаде Рамос.