Ѕвездата на Баерн Минхен, Роберт Левандовски откри дека во минатото бил блиску до трансфер во Манчестер Јунајтед.
Станува збор за 2012 година, кога имал разговор со Сер Алекс Фергусон и сериозно размислувал да се пресели на „Олд Трафорд“.
„После две сезони во Борусија Дортмунд ми се јави Алекс Фергусон и сериозно размислував да се преселам на Олд Трафорд. За еден млад фудбалер тоа беше исклучителна можност, тоа беше специјален ден за мене. Меѓутоа, Борусија кажа „НЕ“ и трансферот не се реализираше“, открива Левандовски.
Полскиот напаѓач откри интересна анегдота и од деновите кога работеше заедно со Јирген Клоп.
„Со Клоп имавме облог да ми дава 50 евра на тренинзите ако постигнам 10 гола. Во првите неколку тренинзи постигнував по 3-4 гола, после почнав да постигнувам по 7-8. После три месеци скоро секој тренинг постигнував по 10 и повеќе, па во еден момент Јирген рече: Доста е, многу пари ми земаш“, раскажа Левандовски.
Учество во игри на среќа е дозволено за лица со 18+ години. Играј одговорно!