Касемиро во одбрана на Бејл: Никој не зборува за титулите кои ни ги донесе

Соиграчот на Герет Бејл, Касемиро смета дека луѓето треба повеќе да го ценат Герет Бејл.

Влшанецот констатно е на мета на критики на шпанските медиуми, а сега Касемиро застана во негова одбрана.

„Бејл е неверојатен играч. Сите зборуваат за лошите работи кои ги прави надвор од терените, а никој за она што добро го прави, за головите во финалињата и кои нас ни донесоа титула. Мене не ми е важно што прави надвор од теренот кога игра добро. Кога ќе помислам на него помислувам на се што даде за овој клуб. Го почитувам затоа што е еден од најдобрите тука“, изјави Касемиро.

Бејл во последните недели имаше здравствени проблеми, прво го повреди прстот во натпреварот со Осасуна, за потоа да има стомачен вирус.