Чезаре Прандели пронајде нов клуб

Италијанскиот тренер Чезаре Прандели пронајде нова работа.

Италијанецот последен пат седеше на клупата на Валенсија во декември 2016 година, а денес потпиша договор со екипата на Ал Наср од Дубаи.

Овој 59 годишен стручњак ќе седне на клупата на клубот од УАЕ на почетокот на наредната сезона. Прес конференцијата по повод неговиот ангажман ќе биде одржанa утре и тогаш ќе бидат познати повеќе детали.

Да потсетиме, Прандели во текот на кариерата помеѓу останатите беше тренер на Фиорентина и Галатасарај, а беше селектор и на Италија со која стигна до финалето на Европското првенство во 2012 година.