Пресврт: Сити може да искористи „дупка“ во законт и да ја избегне казната

Правните експерти тврдат дека Манчестер Сити ќе може да ја избегне казната од УЕФА и наредната сезона ќе може да игра во Лигата на шампиони.

УЕФА во петокот поради кршење на Финансиски фер-плеј го казни Сити со двегодишна суспензија од европските натпреварувања и 30 милиони евра казна.

Сити веднаш испрати жалба до Спортскиот арбитражен суд и може да побара одлагање на казната додека целиот случај не добие судска разврска.

Доколку Сити побара одлагање на казната, спорот сигурно нема да биде решен до 27-ми август, кога ќе биде ждребот во Лигата на шампиони.

„Извесно е дека Сити ќе побара одлагање, би било несериозно да не го побараат тоа“, изјави спортскиот правник Џон Мерзад.

Man City could be in next year's Champions League if ban frozen https://t.co/nkbz0MYM0A pic.twitter.com/H2aVJMhIyU

— Reuters Sports (@ReutersSports) February 19, 2020