Осасуна само ги налути „кралевите“ (видео)

Реал Мадрид запиша убедлива победа на гостувањето кај Осасуна и не го дава врвот на табелата.

Натпреварот започна лошо за „кралевите“, кои уште во 14-та минута имаа негатива откако Осасуна поведе со голот на Гарсија. Потоа Иско со одличен волеј удар израмни на 1:1, а Серхио Рамос донесе предност на Реал уште пред полувремето.

Во второто полувреме Реал рутински ја одржуваше предноста, а во последните дваесетина минути погодија Лукас и Јовиќ за убедлива победа од 1:4.