Приходот од билетите за мечот Македонија – Естонија ќе оди во хуманитарни цели

Машката сениорска репрезентација на Македонија на 13 февруари ги почнува подготовките за мечевите со Естонија и Русија од квалификациите за Европското првенство во кошарка 2021 година. 

На 20 февруари, во спортскиот центар „Борис Трајковски“ во Скопје ќе ја пречекаме селекцијата на Естонија, а мечот ќе има и хуманитарен карактер.

Имено, билетите за мечот Македонија-Естонија се пуштени во продажба на „МК Тикетс“ по цена од 100 денари.

Воедно сите средства од продажбата на влезниците ќе бидат донирани за хуманитарни цели.

Кошаркарската федерација на Македонија ги најави евроквалификациите: „Сите заедно – да испишеме нова историја!