Погледнете како Клоп со чудесни зборови го убедил Кутињо да остане во Ливерпул

epa05180675 Liverpool's manager Jurgen Klopp (R) talks with player Philippe Coutinho (L) during the UEFA Europa League round of 32 match between Liverpool FC and FC Augsburg held at Anfield in Liverpool, Britain, 25 February 2016. EPA/PETER POWELL

Бразилскиот фудбалер, Филипе Кутињо и следната сезона ќе го носи дресот на Ливерпул.

Оваа вест предизвика многу задоволство кај навивачите на тимот од „Енфилд“, а улога во останувањето на овој фудбалер одигра менаџерот на „Црвените“, Јирген Клоп.

Добро е познато дека Кутињо имаше големи понуди од Барселона и Баерн, но првиот стрелец на Ливерпул оваа сезона одлучил да остане, благодарение на Клоп.

Клоп со само една реченица го убедил Бразилецот да остане во редовите на англискиот гигант, а таа реченица игледала вака:

„Можеш да останеш овде и на крајот да добиеш споменик во своја чест или да си заминеш во Барселона, Баерн или Реал и да бидеш само еден од играчите“, му рекол германскиот стратег на својот најдобар фудбалер.

На крајот, оваа реченица го предомислила Кутињо да остане во Ливерпул и следната сезона. Кутињо е член на Ливерпул од 2013. година, а оваа сезона постигна 14 гола со девет асистенции во 36 одиграни натпревари.