Фердинанд „згрме“ после новиот срам на Јунајтед: Седам тука и се срамам! Што е купено!?

После новиот срам на Манчестер Јунајтед „згрме“ легендарниот фудбалер на овој клуб Рио Фердинанд.

Манчестер Јунајтед вчера повторно ги разочара своите навивачи, овој пат „црвените ѓаволи“ беа поразени од Барнли на свој терен. Навивачите го губат трпението, но и не само тие, туку и клупската легенда Рио Фердинанд.

Фердинанд се огласи после вчерашниот натпревар и не штедеше критики.

„Јас не гледам на теренот екипа од 600 милиони фунти! Што е купено!? Седам тука и се срамам! Управата на клубот мора да промени нешто. Вакво нешто не може да се брани“, порача Фердинанд.

На социјалните мрежи може да се забележи дека и други бараат промени, дали Солскјер ќе биде тој кој ќе ја плати цената?