Петар Ангелов ќе го чува голот на Пролет

Македонскиот ракометен голман, Петар Ангелов се врати во Македонија и кариерата ќе ја продолжи во РК Пролет. 

Скопскиот клуб потпиша договор со поранешниот репрезентативен голман, Петар Ангелов-Диви за наредните 18 месеци.

42-годишниот ветеран со своето искуство треба да му помогне на Пролет да се избори за разигрувањето за титулата во Суперлигата, а тимот моментално се наоѓа на 4-то место на табелата.

Ангелов прави кам-бек во македонскиот ракомет од Ратинген, а освен во германскиот тим играше и за Кремс во Австрија, за Трембле во Франција и за Анталија во Турција.