Лоши вести за Мурињо: Кејн го очекува долга пауза

Најдобриот напаѓач на Тотенхем, Хари Кејн се здоби со сериозна повреда за време на натпреварот против Саутемптон.

Спарси во средата беа поразени со 1-0, но ова не е најлошото нешто за Мурињо, бидејќи во истиот натпревар се повреди одличниот напаѓач и го напушти теренот пред време.

Англиските медиуми објавија дека Кејн веројатно ќе паузира подолго време и дека, меѓу другите, ќе ги пропушти и натпреварите со Лајпциг во осминафиналето во Лигата на шампионите.

Освен тие дуели, англискиот репрезентативец ќе ги пропушти и дуелите со Ливерпул, Ватфорд, Норвич, Манчестер Сити и Астон Вила во Премиер лигата, и дуелот со Мидлзборо во третото коло од ФА Купот.