Вертонген се сели во Серија А

Белгискиот репрезентативец Јан Вертонген е на излезна врата од Тотенхем, а според последните информации големи се шансите кариерата да ја продолжи во Серија А.

Вертонген влезе во последната година од договорот и нема најави за негово продолжување, па е слободен да преговара со заинтересираните клубови.

Најсилен интерес во моментов за 32-годишниот дефанзивец покажува Наполи, кој веќе стапил во контакт со неговиот агент.

Напполи сака да ја победат конкуренцијата и уште во јануари да потпишат преддоговор со Белгиецот, па веќе ја презентирале својата понуда.

Интерес за Вертонген покажува и Ајакс, но Наполи е фаворит за неговиот потпис.