Реал сега сака да го доведе братот на Мбапе?!

Реал Мадрид покажува интерес за уште еден Мбапе.

Како што е познато Флорентино Перез подолг период се обидува да во Реал да го доведе Килијан Мбапе, па можеби ова е само еден потег со кој сметаат дека полесно ќе го убедат.

Имено, Реал покажал интерес да го доведе помладиот брат на Килијан, Етан Мбапе. Етан има 13 години и покажал голем талент и ги воодушевил луѓето во таборот на „кралевите“ на Чемпионс купот минатиот месец.

„АС“ тврди дека во Реал се убедени дека доведувањето на Етан освен што може да им се исплати во иднина, може и да ја отвори вратата за потпис на Килијан.