Киелини: Не заборавајте дека Де Лихт е роден 1999 година

Maтијас Де Лихт ова лето пристигна во Јувентус како големо засилување од Ајакс.

Меѓутоа на почетокто на својата авантура Холанѓанецот направи неколку киксови, сепак Де Лихт има само 20 години и многумина убедуваат дека неговиот променлив почеток е само поради времето потребно да се адаптира.

Во одбрана на Де Лихт сега застана и Џорџо Киелини кој е надвор од терените поради повреда која ја заработи во почетните кола.

„Со Де Лихт разговараме секој ден и станува збор за едно паметно момче кое сака да учи и тоа го прави брзо. Не заборавајте дека тој е роден 1999 година и направи трансфер во клуб со многу поинаков стил на игра. Најдоброто од него допрва доаѓа“, Киелини.